Ab Muhabbat ki wakalat Nahi ki Ja skti

Ab Muhabbat ki wakalat Nahi ki Ja skti
Shehar Bher sey to Adawat nahi ki Ja skti

Mera Chehra Meri Ankhein hai Salamat Ab bhi
Kon kehta hai wazahat Nahi ki Ja skti??

Bat yeh hai key koi toot key chahy to Sahi
Har kisi sey to Muhabbat Nahi ki Ja skti

Ankh Kehti hai Kahein Aur chalein Jaen Ham
Dil yeh Kehta hai key Hijrat Nahi ki Ja skti

Loh-e-dil pey Yahi Tehreer Likhi hai
Ishq Waloon ko Naseehat Nahi ki Ja skti

tumhein Dil sey....

tumhein Dil sey Bhulatey hain tu Ankhein Khoob rooti hain
Dard Dil main jagatey hain to Ankhein Khoob Rooti hain

Tumharey Baad chahat key Sabhi Panchi Uj Jaien
Kaheen Bhi Dil Lagatey hain to ANkhein Khoob Rooti hain

Teri Tasweer Adhooray Khat to Jala Diye Ham Nay
Ab Paani Pay Naqsh Banaty hain to Ankhein Khoob Rooti hain

Ghata Awargi Main Jab siyah cholla Pehnti hai
Parenday Jab Sataty hain to ANkhein Khoob rooti hain

Kay Jab Bhi Shaam Dhalti hai Meri Qismat key Sab Tarey
Falaq Per Jagmagatey hain to Ankhein Khoob Rooti Hain

Sard Tareek Ratoon main Siyah Sawan ki Barish Main
Dard Jab Muskuratey Hain tu Ankhein Khoob rooti hain

Sahil ki Wo mitti key jis Pay Khoon Hathoon say
Wafa likh ker mitattey hain to Ankhein Khoob Rooti hain

Ab tow Muddat Sey....

Aik Wada hai Kisi Ka jo wafa hota nahi
Warna in taroon bhari ratoon mein kiya hota nahi

Ji mein atta hai ullat dein un key chehroon sey Naqab
Hooslah kerty hain par Hosla hota nahi

Shama jis ki Aabro pe jaan de de jhoom jhoom kar
woh patanga jaal to jata hai Fanah Hota Nahi

Ab tow Muddat Sey Raah O Rasam E Nizaraah Band hai
Ab tow unka toor per bhi Samna hota nahi

Har Shanaawar ko Nahi milta Talatum sey Kharaaj
Har safeenay Ka Muhafiz Na-Khuda Hota nahi

Har Bikhaari Paa nahi Sakta mukaam e Khawajagi
Har kis o Nakis Ko tera Ghum Atta Hota nahi

Hayee Yeh Begaangi Apni Nahi Mujh ko Khabar
Hayee Yeh Alam k tu Dil sey Juda Hota nahi

Baar Ha Dekha Hai Faysal Ishq Mein
Karwaan K Saath Aksar Rehnuma hota Nahi

Kab Tak teri Yaad main Ashk Bahaye Ga....

Kab Tak teri Yaad main Ashk Bahaye Ga
Dil hai Akhir tujh ko Bhool jaey ga

Jis key sath zehan main Lakhoon uljhanein hoon
Wo kia Uljhi duniya ko suljhaey Ga

Akhir Thandi Raat badan ko sehlaey Gi
Tapta Suraj Kab tak Jaan Jalaey Ga

Kon Jagaey Ga in soey Logon ko?
Kon in per Sur dhur ki Baazi Lagaey ga

KAWISH aghyaar sey bhari is duniya mein
Koi to Apna ban ker bhi kabhi aaye ga

Ab dooston sey hai na teri.............

Ab dooston sey hai na teri Be-rukhi sey hai
Jo bhi Gilaah hai Apni Sada dili sey hai

Kaisey kaatey gi Raat!! Btana tow sham-e-hijar
Ik Dard e be-panah tow dil mein abhi sey hai

Teri Khushi hai gar meri bey-cheniyaan tou kiya
Mera sukoon e dil bhi tow teri khushi sey hai

Mein us sey hamkalaam hon aur wo hai bey-nayaz
Jaisey mera Khitaab kisi Ajnabi sey hai

Phir kis tarah bachaoon phatti Aurhni ko mein!!!
Jab tou hi mut-maeyen Meri Bey-chadri sey hai..

Guzrey Waqat ko bhula dena Asaan Nahi hota.........

Guzrey Waqat ko bhula dena Asaan Nahi hota
Ghamoon ko Hansi Mein Chupa leena bhi Asaan Nahi hota

Zaruri nahi k poori ho har khawahish lekin
Apni Khawahish ko Daba lena bhi Asaan nahi hota

Maana key tootey Hoey Phoolon sey khushboo nahi aatii
Magar unhein Kitaboon mein saja leena Asan nahi hota

Koi or tery baad aa sakta nahi kyu key
Har kisi ko dil main jaga dena Asaan nahi hota

Kabhi Ansoo,Kabhi Khushboo...........

Kabhi Ansoo,Kabhi Khushboo,Kabhi Naghma ban kar
Hum sey Har shaam mili hai tera chehra ban kar

Chand nikla hai teri ankh key anso ki tarah
Phool mehkey hain teri Zulf ka Saaya Ban kar

Meri Jaagi hoi ratoon ko uski hai Talash
Phool mehkey hain Teri Zulf ka Saya Ban kar

Meri Jaagi hoi Ratoon ko uski hai Talash
So raha hai meri Ankh main jo Sapna Ban kar

Dil key Kaghaz pey uterta hai wo Shairon ki Tarah
Mery honton pey machalta hai wo Naghma Ban kar

Raat bhi ho to Bujhti nahi Chehray ki chamak
Rooh main phail gaya hai wo Ujala ban kar

Dhoop main khoo gaya wo Hath chuda kar Ahmad
Ghar sey jo Sath chala tha mera saya ban kar

Kabhi Ansoo,Kabhi Khushboo,Kabhi Naghma Ban kar
Hum sey har Shaam mili Hai Tera chehra Ban kar